Yuku free message boards
Username or E-mail:
Password:
Forgot
Password?
Sign Up
Grab the Yuku app
Search:
RSS
Email
Flayva Interactive
>
Under The Mango Tree
>
Get angry, get engaged, and make a difference now!
0 Points
Search this Topic:
Remove this ad
«Prev
1
2
3
4
5
Next»
Jump
Forum Jump
Under The Mango Tree
<< Previous Topic
Next Topic >>
Re: Get angry, get engaged, and make a difference now!
Author
Comment
Yard Guard
Body Parts Sale, yu wait . . wi a copy cat extraordinaire
#1
[-]
Posts
: 2642
Dec 23 05 4:30 PM
More
My Recent Posts
HR, that body part smuggling soon tek flight a yard. Missus, all now mi caaant get over the vulture like behaviour at mi bronlaw recent funeral. Missus, it bad!
Wi turn up a funeral and a two video man wi nuh contract deh deh a shoot away. Den one relative later tell wi sey a $15, 000 fi one video or DVD. Missus!
Den di ushers go turn up ded on the time when dem fi deh deh, ma, by den two other distant relatives appoint themselves and start to gi whey di program dem- guess to who? People out a door who nah come inside at all.
By time mi poor sister get a her house, di yard full a residents. Dem just come from all over and move in-some claim a just till after funeral. Mi sister a Christian and maam a three bar selling away alcoholics the night before di funeral inn di ooman yard. Not to mention the hog tie up a di front a di ooman yard and she a Seventh Day Adventist. Mi bronlaw no deal wid pork either yet smaddy see it fit to donate a pig.
One time wi hear sey one young lady deh a Florida a collect-only fi hear sey she asking if dem want har buy di suit. Mi sister nearly have a rahtid heart attack fi know smaddy so bold. Den di same young lady called from Florida wanting to know di colour of di casket she want to buy something to put on it. Mi poor sister nearly dead.
Sister HR, wi up ya and plan seh grave a go dig couple days before di funeral. Next ting smaddy call mi poor sista and ask if she know she grave a dig as dem speak. One a mi Bronlaw bredda decide sey him a go get it done and just ups and do it. Yu should a see di damn tomb-very ugly. Sis swear sey she a go do one different one. Mi haffi talk har out of it. Den hear di bredda explanation-him did just a help sop dat when she come everything go nice and smooth. Bronlaw was well known so whole heap a business associates drop off stuff-box a rum, boxes of suppligen all sorts a things but poor sis never see even a pop.
Mi did haffi tell of mi bredda from Florida for him was not close to Bro nlaw but next ting wi know di lady from Florida invite him to come down (a try validate herself) and di day a di funeral wi find out sey while we dey a sis yard a keep wake, fi wi own a bredda deh a one other adjoining district a keep another one. Mi tell him off.
Bout four people jump in between sis and her children and di casket when leaving the church. HR it nuh deh far when dem start higgler body parts. See dem go dig up di lady other day.
Den dis ya one beat all cock fight. Sis give orders sey di refreshment fi deh a one booth a di grave site so dat everybody can get. Only fi get told di night before sey di food a go stay a har yard and di lady from Florida (an mi bredda) a prepare food fi di people dem at di grave site. Sis nearly have hago. Right inna chirch sis stand up and tell di people dem she know nutten bout any a di refreshment and dem eat at their own risk. Some never like it all but fi mi sister sey what she decide fi sey. When wi come back mi poor sister sey to me, YG, yu realize sey wi never even get fi grieve in peace!
<< Previous Topic
Next Topic >>
Forum Jump
Under The Mango Tree
Share This
Email to Friend
del.icio.us
Digg it
Facebook
Blogger
Yahoo MyWeb
«Prev
1
2
3
4
5
Next»
Jump
Flayva Interactive
>
Under The Mango Tree
>
Get angry, get engaged, and make a difference now!
Click to subscribe by RSS
Click to receive E-mail notifications of replies